Karlamagnúsar kvæði | BRAGI
Bragi, óðfræðivefur

Söfn

Íslenska
Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur eru aðeins notaðar til þess að halda utan um innskráningar þeirra sem annast efnisstjórn.

Innskráning ritstjóra

Karlamagnúsar kvæði

Fyrsta ljóðlína:Drottningin stár undir loftsins sala
bls.158–159
Viðm.ártal:≈ 0
Flokkur:Sagnadansar
1.
Drottningin stár undir loftsins sala,
mitt hjartangrór svo gjarna,
hlýdddi á það hennar kóngur réð tala.
Sól og hin ljósa stjarna.

2.
„Eg vilda mín drottningin væri dauð,
þá skylda eg unna þér, rósin rauð.“
3.
Drottning spyr að skemmumey sín:
„Hvað talaði minn kóngur til mín?“
4.
„Hann vildi mig í moldu
en þig á grænni foldu.“
5.
„Skrökvar þú, Ingibjörg skemmumey mín,
annað talaði minn kóngur til þín.“
6.
Það var einn myrgindagur fór í hönd
flytja lét hún Ingibjörgu í önnur lönd.
7.
Það var einn morgun sól skein í heið
flytja lét hún Ingibjörgu á heljarleið.
8.
Kóngurinn stakk sínum knífi í borð,
hvorki át hann né drakk eftir þessi orð.
9.
Kóngurinn talar við sveina sín:
„Þér skuluð búa til ferju mín.“
10.
Svo var kóngi á ferðinni ótt
gisti hann hjá Ingibjörgu þá sömu nótt.
11.
Kóngurinn talar við sveina sín:
„Berið hana Ingibjörgu í sæng til mín.“
12.
Báru þeir Ingibjörgu undir gulltjald,
hvört þeirra orðið var skrifað upp á spjald.
13.
„Son skulum við eiga, vera til fús,
gefa gott nafn og kalla Magnús.“
14.
Kóngurinn hélt úr leiðangri heim,
úti stendur drottning og fagnaði þeim.
15.
„Kom þú lofsæll, kóngur minn, hér,
þú munt kunna tíðindi að segja mér.“
16.
„Son á eg í vonum þó farið hafi hljótt,
hann skal verða kóngur yfir allri drótt.“
17.
„Nú er það fram komið sem fyrr hef eg kvítt,
hann mundi ráða löndum en ekki barn mitt.“
18.
Þegar þau höfðu hjalað um litla stund
þá kom hann Karlamagnús á þeirra fund.
19.
„Kom þú lofsæll, sonurinn minn,
þú skalt ráða löndum eftir daginn minn.
20.
Eina áttu systur er vinnur öngum mein,
giftu hana þínum ágætasta svein.
21.
Kirkju skaltu reisa láta við bólstað hjá oss
en í hvört hornið setja gullkross.“
22.
Vendi eg mínu kvæði í kross,
mitt hjarta grór svo gjarna,
sjálfur Guð og Karlamagnús sé með öllum oss.
Sól og hin ljósa stjarna.